संखुवासभा पुष २०
संखुवासभा काठमाडौँ युथ सर्कलले आयोजना गरिको आयोजना गरेको नयाँ बर्ष कप फुटबल प्रतियोगिताको उपाधी गाउँले स्पोटिङ क्लवले जितेको छ । संखुवासभा काठमाडौँ युथ सर्कलको आयोजनामा पुष १८ र १९ गते भएको नयाँ बर्ष कप फुटबलको उपाधी गाउँले स्पोटिङ क्लव खाँदबारी नगरपालिका –७ ले जितेको छ । काठमाडौँ कपन स्थित हेण्डबल ग्राउडमा भएको प्रतियोगितामा एडभान्स क्लव काठमाडौँलाई ट्राइब्रेकरमा २ गोलका विरुद्ध ३ गोल अन्तरले पराजित गर्दै उपाधी जितेको हो । निर्धारित सयम दुबै तर्फबाट गोल हुन नसकेपछि ट्राइब्रेकरमा २ गोलका विरुद्ध ३ गोल अन्तरले प्रतियोगिताको उपाधी गाउँले स्पोटिङ क्लवले जितेको हो ।
प्रतियोगिताको विजयी गाउँले स्पोटिङ क्लवले नगद ७० हजार,ट्रफि, मेडल प्रमाण पत्र प्राप्त गरेको छ । उपविजेता एडभान्स क्लव काठमाडौंले नगद २५ हजार ट्रफि, मेडल प्रमाण पत्र प्राप्त गरेको छ । प्रतियोगितामा संखुवासभा जिल्लाका १२ वटा टोलिको सहभागिता रहेको प्रतियोगिता संयोजक जगदिश राईले बताए । नयाँ बर्ष कप फुटबल प्रतियोगिताको समापन कार्यक्रममा संरक्षक गौरीमान राई,सेभेनसमिट समिट ट्रेकका निर्देशक पासाङ फुर्वा शेर्पा, युवा ब्यवसायी सुजन कुमार श्रेष्ठ लगायतको सहभागिता रहेको आयोजकले जनाएको छ ।
