सङ्खुवासभा २२ पुष
सङ्खुवासभाको सदरमुकाम खाँदबारी पुष २६ गते देखि तेस्रो तीनपोखरी कप आमन्त्रित पुरुष फुटबल प्रतियोगिता सञ्चालन हुने भएको छ । तीनपोखरी समाज विकास क्लव खाँदबारी –७ को आयोजनामा तेस्रो आमन्त्रित पुरुष फुटबल प्रतियोगिता २०८२ सञ्चालन हुन भएको हो । माघे सक्रान्तिको अवसरमा खेलकुद संस्कृति र पर्यटन,समृद्ध समाज हाम्रो अभियान भन्ने नाराका साथ तेस्रो तीनपोखरी कप आमन्त्रित फुटबल पुरुष फुटबल प्रतियोगिता गर्ने लागिएको आयोजकले जनाएको छ । प्रतियोगिताको अवसरमा पर्यटन प्रवद्धनका लागि हेलिकप्टर मार्फत धार्मिक तथा पर्यटकिय क्षेत्र शिवधारा र सभापोखरी दर्शनको समेत ब्यवस्था गरिएको आयोजकले जनाएको छ ।
आज सदरमुकाम खाँदबारीमा पत्रकार सम्मेलन गर्दै आयोजक तीनपोखरी समाज विकास क्लवले फुटबल प्रतियोगिता सञ्चालन गर्न लागेको जानकारी दिएको छ । नविन खेलाडीलाई पूर्ण ब्यवसायीकरण र युवा खेलाडीलाई रोजगारी मुखी बनाउन स्थानीय धर्म संस्कृति भेषभूषाको संरक्षण गर्ने उद्देश्यका साथ तेस्रो आमन्त्रित फुटबल प्रतियोगिता सञ्चालन हुने भएको हो । आगामी पुष २६ गते देखि माघ १ गतेसम्म सञ्चालन हुने फुटबल प्रतियोगितामा कोशी प्रदेशका विभिन्न जिल्लाका ८ क्लबको सहभागिता रहने प्रतियोगिता तीनपोखरी समाज विकास क्लवका अध्यक्ष मिनेश चापागाईले बताए । प्रतियोगितामा ससस्त्र प्रहरी कोशी प्रदेश पकली, बेलका युथ क्लव उदयपुर,चुलाचुली स्पोटिङ क्लव दमक सहित कोशी प्रदेशका ८ टिमको सहभागिता रहने अध्यक्ष चापागाईले बताए । प्रतियोगितामा भाग लिने खेलाडीको ४० हजार रुपैयाँको विमा समेत गरिने आयोजकले जनाएको छ । प्रतियोगिताको विजयी टिमलाई नगद २ लाख ५१ हजार रुपैयाँ ट्रफि, मेडल, प्रमाण पत्रले सम्मान गरिने छ भने उपविजेतालाई नगद १ लाख २१ हजार रुपैयाँ ट्रफि, मेडल, प्रमाणले सम्मान गरिने छ । प्रतियोगितामा विभिन्न विधामा समेत ट्रफि, मेडल, प्रमाण पत्रले सम्मान गरिएको आयोजकले जनाएको छ । फुटबल प्रतियोगितामा करिब नगद २० लाख बढी खर्च हुने आयोजकले अनुमान गरेको छ ।
