सङ्खुवासभा ७ मङ्सिर
सङ्खुवासभाको सदरमुकाम खाँदबारी नगरपालिका–३ स्थित सुमनचोकबाट प्रहरीले अवैध चिनि बरामद गरेको छ । प्रहरीले बिशेष सूचनाका आधारमा भन्सार छली गरेर ल्याएको ५ सय किलोग्राम चिनी सहित ट्रक खाँदबारी –३ सुमनचोकबाट नियन्त्रणमा लिएको छ । कोशी राजमार्ग खाँदबारी –किमाथाङ्का सडक खण्डको खाँदबारी –३ सुमनचोकबाट ५ सय किलोग्राम अवैध चिनि सहित प्रदेश १–०२–००१ ख ८५७६ नम्बरको ट्रक नियन्त्रणमा लिएको जिल्ला प्रहरी कार्यालयका सूचना अधिकारी प्रहरी निरीक्षक धनबहादुर राजबंशीले जानकारी दिनुभयो ।
चेकजाँच गर्ने क्रममा खाँदबारी –किमाथाङ्का सडक खण्डको खाँदबारी –३ स्थित सुमनचोकबाट सुनसरीको इनरुवाबाट भन्सार छली गरेर ल्याएको १५ बोरा चिनि सहित ट्रक नियन्त्रणमा लिएको प्रहरी निरीक्षक राजबंशीले बताउनुभयो । एलपी ट्रकमा विल नभएको चिनीप्रहरीले बरामद गरेको हो । बरामद चिनी, ट्रकसहित चालक तेह्रथुमको म्यालुङ नगरपालिका –६ जिरीखिम्तीका ३० बर्षिय पेम्बा शेपालाई शनिबार दिउँसो नियन्त्रणमा लिएर आवश्यक कारबाहीको लागि राजश्व अनुसन्धान कार्यालय इटहरी पठाइएको प्रहरी निरीक्षक राजबंशीले बताउनुभयो ।
